域卡的卜 Vicker’s Blog

上星期六膽粗粗去左考 Adobe Certified Flex 2 Developer Exam…
講真的確係好即興… 其實幾個月之前已經想去考~
o個時用左 Flex 寫野無耐~ 覺得自己唔夠料所以無考~
直至前幾日聽 Angus 講左幾句~ 話我實得~
結果我就即興咁星期四晚報名… 星期六考試… 前後溫左兩日一夜~
將成本 training from the source 睇晒…

其實考試前一晚睇 examination blue print 已經知出事…
FDS… JAR… WAR… JMS… JTS… JNDI… Hibernate… 攪乜鬼咁多 Java 野…
唯有成晚死刨~ 講真… 真係學左唔少野~ 有好多野之前係 miss 左~

星期六早左到試場~ S 字頭既 training center~
入到考試專用房… 呆晒… 細到呢~
4 個男人 4 部機 4 格位… 勁似去緊廁所… =.=
機慢… keyboard 殘… mouse cam…
下次真係幫襯第二間…

67 題 MC~ 大約 1 小時 40 分鐘既卷~ 100 分滿~ 73 分合格~
基本上每做 3 題就有 1 題要 mark… mark 既意思係我唔 sure 個答案 =.=||
d 問題好多都可以玩謝人… 呢度唔方便打出黎… 總之唔係你會考慮到既問題…
之前都睇到 d foreigners 講個試好難考… 唔好無啦啦去考… 估唔到真係咁變態…
話佢係 Flex 既卷~ 不如話係 SE 既卷… 勁多 OO 同 Design Pattern 既問題…

唔駛 40 分鐘… 做完… 一望… 3X 題 mark 住…
心裡面即時安慰自己… 下次補考… 然後當考一次二千蚊罷啦… =.=
Anyway~ 我盡左自己能力 go through 多兩次題目~
o係 click end o個一刻我深呼吸左一下~ 同自己講一定得既 (講係一件事… 諗係一件事…)
一睇到 result 真係忍唔住 yes 左出聲~ 總算合格~~!! 純粹好彩…
Remote Data o個一個 session 最差… 唔合格 tim…
好彩 UI, Architecture 同 Programming 拉返 d 分~

比將來會考呢一個試既人一 d 意見…
Training from the source 的確算係必讀~ 未睇晒既唔好去考
就算睇晒~ 都最好肯定自己熟悉整個 Flex 同 Flash API 先好去考…
有 d API 平時真係少用~ 但係佢會問的…
最好就係寫返一年 Flex Application 先去考~ and FDS 比重幾大~ 一定要玩過下先好考~
祝大家好運~

Related posts

• Essential ActionScript 3.0 and ActionScript 3.0 Design Patterns (0)
• 時光倒流第一集 - Adobe Flex Workshop (0)
• Sometimes I hate Flex… Sometimes (0)

呢幾日睇左好多 Final Year Project~
發現左一 d 臥”獅”藏”蛇” (臥虎藏龍)…
有 d 平時唔顯眼既人寫 d FYP 真係勁到嚇親你~

睇左大家既 project 自己都學左唔少野~
諗返轉頭~ 點解 Final Year Project 既 presentation session 唔可以做到好似一個 conference 咁?
大家一齊睇人 present~ 大家一齊比 comments~ 甚至黎個公投~
咁樣相信大家o係 FYP 學到既野可以多好多倍~

自己係一個 Web Application Developer~
對於 Algorithm-based 既 FYP 我只可以講句 “勁”
但係望住一大堆只係為左滿足某一個 specific purpose 既 form-based application…
我覺得好無奈… 幾十甚至幾百頁 HTML 加 d Javascript 加個 database… 算 FYP 嗎?
我會覺得佢的確出左好多力… 但方向錯左…

Innovation 對一個 FYP 黎講好重要~ 但我著眼點係有無用過心黎做而唔係交行貨~
其實就算係一張 form~ 真係用心寫既都一定贏一個得個做字既 system~

有 d student 係好用心機 design form 的~
Real time feedback…
Auto complete…
Dynamic combo box content loading… etc…

就算平時我覺得小豬唔係 programming 既材料
我睇完佢個 demo 都覺得佢好用心諗過個 UI…

Inline field editing…
Apply all boxes…

都非常 user friendly~ 減少左好多 click 黎 click 去既問題…
簡單但係真係有切身地考慮過 user
呢點唔係最重要咩?

比起一 d 幾十種 feature~ 幾十張 form~ click 黎 click 去~ 又 popup 呀咁~
我更喜歡呢黎小豬的 design~ simple and clear

我唔敢話自己寫野 user friendly
以上只係我 as a user 既感覺~
但身為 developer… 應該要諗清楚~
Technology 重要? Challenging 重要? Innovation 重要?
最終個 application 其實都係 user 比分~

當然~ 有心去做先係王道~

Related posts

• 閃亮榣柱芝脆批 (0)
• 繼續學會去輸 (0)
• 第一 Blog (0)

本來呢個問題應該好簡單~
基本上一個 ActionScript developer 可以即時答得出

var t_file_ref:FileReference = new FileReference ();
var t_url_request:URLRequest = new URLRequest ("some_path/some_file.type");
t_file_ref.download (t_url_request);

但係原來o係某 d 情況佢係會 malfunction 既…
而且係你估都估唔到~ 加上玩足你幾個鐘…

為免大家中招所以寫左呢個 example

睇落好似無分別~就算 click “這個不能下載” 都出現左下載畫面但係當你以為 download 左既時候…
你會發覺乜都見唔到…其實問題係在於 FileReference o既 instance declaration method如果o係 function
裡面 declare 既 temporary variable當 function 完成之後 FileReference instance 就會o係 select event 之前消失結果… download 左個桔…
解決方法係將 FileReference instance 放o係 class member variable

public class some_class
{
	private var _file_ref:FileReference;
	function some_function ()
	{
		this._file_ref = new FileReference ();
		...
	}
}

其實呢個問題… 都幾荒謬… 不過可以玩謝好多 developer…Adobe o既 Technote 有詳細解釋~
http://kb.adobe.com/selfservice/viewContent.do?externalId=3637d5c3&sliceId=1English title: How to download a file in Flex using FileReference

Related posts

• Essential ActionScript 3.0 and ActionScript 3.0 Design Patterns (0)
• PURE ACTIONSCRIPT vs FLEX vs LASZLO (0)
• Google 同 Yahoo! improve Flash indexing (0)

相信用 Flex Builder 或者 Eclipse 既人都會裝埋 Subclipse
Subclipse 的確令到 project source control 輕鬆好多
但係當你需要做 project folder relocation 或者 project import 就會出現好多問題

舉個例~ 你有一堆 svn 左既 Flex Builder 2 projects 要轉去 Flex Builder 3…
最穩陣既方法相信係 FB2 svn commit 左~ 然後 FB3 checkout 返~
但係如果你選擇 direct copy / project import~
就會有機會出現舊既 .svn data remove 唔到~ 然後無辦法重新 connect svn…

解決方法係人手逐個 .svn delete… =.=||

講笑~ 哈哈

Mac o既 user 會比較幸福~ 因為一句 command 就可以攪掂

[source:css]
find . -name .svn -print0 | xargs -0 rm -rf
[/source]

如果出現 operation not permitted 可以試下加 sudo

[source:css]
find . -name .svn -print0 | xargs -0 sudo rm -rf
[/source]

參考文章:

SVN on OSX by SIMPLESTATION
http://www.simplestation.com/journal/how-to-use-svn-on-os-x/

English title: How to remove all the .svn information when using subclipse

Related posts

• Flex FAQ #5: 點樣做 Full Screen Application (0)
• 時光倒流第一集 - Adobe Flex Workshop (0)
• Sometimes I hate Flex… Sometimes (0)

尋日先出既全新 iMac… 今日已經比人解剖左…
同之前 iPhone 一樣… 可憐我地呢 d 無機既人~ 哈哈

最唔明既係 iMac 究竟點做散熱既呢…

Disassembled iMac (2007 Mid) by KODAWARISAN
http://www.kodawarisan.com/imac_2007_mid/imac_2007_mid_01.html

Related posts

• Apple… 你今日食左未… (0)
• Apple 又黎料~ iMac, Mac Mini, iWork, iLife, .mac (0)
• Apple MultiTouch? Microsoft MultiTouch? now ActionScript~! (0)

前幾日睇 RSS 已經知道 Apple 呢幾日會有新攪作~
今朝一開機就發現 d 攪作實在太吸引…

全新既 iMac~
wide screen, glossy, upgraded wifi, 全新 keyboard,
內置 iWork 08, iLife 08..
價錢仲要無變… 24″ model 仲要平 d tim…
為左環保而減用 plastic 改用 aluminium + glass~~ 真係強

一如以往… Apple… 就係串…

iWork 最大改進相信係 Numbers (spreadsheet application)
開 Excel 只會見到格仔… 通常有兩種 situation…

• Excel 排版… 排到亂晒
• Excel 做完 Copy 去Word 排版… 有野要改可能要返轉頭

Numbers 就一個 environment 做晒~
其實你做得數既… 點會唔排版架…

Apple… 抵你贏~

其他 update 大家可以睇返 apple.com~
(including mac mini, iLife, .mac)

Related posts

• 時光倒流第四集 - MAC makes me stupid (2)
• 全新 iMac 大解剖 (0)
• Flex FAQ #2: 點樣清除亂左既 subclipse .svn 資料 (0)

今日黎左兩本書… 唔知點解用 Amazon 訂書寫 CityU 地址特別快收到書…
比起 Amazon 既 estimate date 早左 17 日…

兩本新書係 Essential ActionScript 3.0 同 ActionScript 3.0 Design Patterns
唔知道由幾時開始鍾意左 design patterns~
以前明明最憎 OO… (唔… 心照… 唔夾就係唔夾…)

Essential ActionScript 3.0 真係好有貨~ 成千頁… 又有排睇
比起上一集厚左好多~ 好快咁掃左 TOC 好詳細~ 似係由淺入深~
比較起 ActionScript 3.0 Design Patterns 就好似深好多~ 有好多少聽既 patterns

Flash, ActionScript 同 Flash d 書愈黎愈多~ 唔知幾時先睇得完…
(Chocobo 你幫我睇埋佢啦~ 哈哈)

Related posts

• Flex FAQ #3: 點樣用 Flex FileReference 下載檔案 (0)
• Adobe Certified Flex 2 Developer Examination 合格~! (0)
• 實力? 運氣? 我信運多 d… (0)

豬 send 過黎~ 做 lor~ 雖然我不嬲唔係好信呢 d…
因為… 你究竟明幾多個 options 呢… 你又有幾明白你自己呢…

我的九型人格分析？

Related posts

• No related posts.

今日開始會寫返多 d technical articles~

我見好多人都會問呢個問題~
點樣將 input text 既 cursor by default set 去某一個 TextInput component.
其實方法好簡單~ 只需要利用 setFocus function

[source:xml]

<?xml version=”1.0″ encoding=”utf-8″?>
<mx:Application xmlns:mx=”http://www.adobe.com/2006/mxml”
layout=”absolute”
creationComplete=”{this.t_ti.setFocus ();}”>
<mx:TextInput id=”t_ti” />
</mx:Application>
[/source]

但係大家會發現當 application load 完之後直接打字都係唔 work.
其實只要大家o係 Flex application 任何一個位置 click 一下就得喇.
咁樣 click 一下似乎有 d 笨… 但係呢個應該係 browser 或者 Flash player 既 issue~
Flash player 需要你 click 佢一下以確認你既 focus point 係 Flex application 而唔係 HTML

English title: How to make Flex application’s input cursor focus on a specific TextInput component

Related posts

• Flex FAQ#4: 利用 Adobe Flex 做 Video Player (0)
• Flex FAQ #6: Layout 秘技 Part 1 (0)
• Flex FAQ #5: 點樣做 Full Screen Application (0)