Hong Kong Adobe Flash platform developer (Flex, AIR and Flash)
Posts tagged Flash Catalyst
Adobe MAX SF day 2
1(抱歉… 太忙喇… 遲左好多先出 post…)
第二日又黎喇~ 精神都算唔錯~
今朝o係 marriot 食早餐
原本諗住會同會場的有 difference
但係都係食o個 d 野…
生果… 硬飽… 奶… 茶… 果汁…
比較好o既係果汁係樽裝~ 可以拎走飲~ 仲要係 tropicana~ 正
朝早上 Flex testing o既 session
之前寫 Flex application 都比較少考慮 testing
呢個 session 對我黎講都幾重要~
不過上完之後就會發覺 testing 唔應該係事後先去做…
而係要由 Day 1 開始每寫一 part 就要寫返相對應o既 testing module…
基本上工作量係 double 或者 triple~ 因為除左 unit test 仲有 function test, etc…
講真… 有幾多 company 會考慮到同埋 afford 得起呢…
下一個 app… 如果我有時間的話我都想認真的做一次…
跟住就係 General Session 2~
一開始由 Flex Builder product manager Tim Buntel 講解 Flex
講講下突然之間部機好似比人 hack 左咁~
之後有一個神秘人 The Chief (Kevin Lynch) 話依家 computer field 有好多問題出現~
要 Tim Buntel 諗辦法去解決~
之後燈光一暗~ 音樂響起~ 開始播片~
感覺係非常超人特攻隊~ 然後進入左秘密基地 The Agency~!
多位 Agent 就位~ 包括 Agent B (Tim Buntel) 同 Agent F (Ben Forta)
之後開始介紹各種 The Agency o既最新科技
包括
- 利用 Adobe AIR 控制家庭電器
- Adobe Photoshop CS4 o既 content aware scaling
- Adobe Photoshop CS4 o既 3d texturing
- Adobe Flash Catalyst
- Cold Fusion 下一代 IDE code name Bolt
- Adobe Flex Builder 4 with Theme Library
- Flash content search engine indexing
- Adobe Flash Media Sever 3.5 with dynamic streaming
而最矚目o既就莫過於 Adobe Alchemy 同埋 RTFMP
Adobe Alchemy 係一個 convertor
能夠將已經存在o既 C / C++ library 直接 convert 做 Flash o既 library
最有機會用到o既地方就一定係 encryption o喇~
ActionScript 一直都無 encryption library~
透過 Alchemy 就可以唔駛 ground up 寫就做到 encryption
同場仲即時示範利用 Alchemy convert o既 Quake 同 Super Mario (emulator)
絕對係令大家感到非常震撼~!!
RTFMP (Real Time Media Flow Protocol) o係 Adobe 新既 communication protocol
主要係令到多個 Adobe Flash Player 之間能夠直接做 communication
完全唔需要透過一個 server connection
最直接o既用途就係單靠 Adobe Flash Player + Web cam 就可以做到 video chat
係~!! 完全唔需要 middle server~!! 而且係絕對 smooth~! 開幾十個都無影響~!!
最後由 Ted Patrick 接棒介紹 Adobe Groups
Adobe Groups 係 Adobe 一個 official 而 centralized o既 community network
透過 Adobe Groups 就可以知道全球幾百個 user group / community o既一切動向
香港o既 Flex user group (FxAIR.org) 亦都會搬入 Adobe Groups
但 setting 比較繁複~ 希望能夠趕及農曆新年前完成~ 請見諒
* 關於所有 technology o既 information / URL 已經整理好放左o係呢度
http://vicker.cubeforge.net/blog/adobe-max-sf-summary/
第二個 general session 完左~
食完飯又繼續聽各個 session~
Evening 就到左大家都好期待o既 sneak peak session
不過… 我自己就覺得非常失望…
兩個字去形容就係 “倉促”…
好似趕時間咁~ present d 野又比較亂…
Anyway~ 大致上o既 sneaked items 如下
- RTMFP (上面已經介紹左)
- Nitro (Adobe AIR o既 widget controller)
- Durango (Adobe AIR o既 runtime application component mash up tool)
- Photoshop Image Compositing (自動將 imported image 去底)
- Content Intelligent Toolkit (Media library 包括 video 同 image o既 analysis)
- Dreamweaver Web Widgets (直接o係 Dreamweaver insert web widget~ 而且可以直接 live preview~ 完全唔需要開 browser)
- Infinite Images (利用一 set photo 去做出無限 zoom in 同無限 zoom out effect)
- Live Cycle and Creative Services (利用 Live Cycle 去 streamline collaborative Premiere Pro workflow)
- Meer Meer (Online service~ 自動 detect 一個 Dreamweaver web site o係唔同 browser 之下有無 display differences~ 仲可以用 onion skin o黎直接 compare
- Server-side ActionScript
o係 Adobe 正式 post video 之前
大家不妨去 YouTube search 下~ 好似有 HD version tim…
夜晚同 Way 行左去 Japan Town 諗住食返 d 好o既日本野…
饑寒交逼~ 行左成粒鐘去到~ 點知…
奉勸各位… 去到美國食 hurger, salad, 西餐算喇…
Adobe MAX SF day 1
3MAX 終於開始~
去到 Moscone 就見到 Kai~
佢同佢太太一齊去 MAX~ 真係開心
之後即刻上二樓食早餐
同之前一樣… 硬飽… 果汁… 咖啡… 奶…
Somehow 我總係覺得唔會夠飽…
食飽見未夠鐘就去左 community lounge
一入到去就見到熟識既面孔~
John, Sumi, Craig 同 JD 都o係到
總係覺得見到佢地就 = 見到 Adobe community~ 哈哈
打完招呼傾左一陣就要趕去聽野
第一場係 Flex testing~ 都 ok~
之後就係精采o既 general session~!
一如以往~ 未入到門就聽到好激昂o既音樂~!
一入到去真係好震撼~ 3 個 main screen 加兩組 side screen
main screen 係山峰藍天白雲~ 一堆 Adobe product logos o係天度飛~ 好型~
跟住所有 screen 會好似老虎機咁轉 d product logos
然後中間加插 30onMAX o既 video~
好彩無拍者… 唔係比人 post 出黎好攪笑~
開場~ 有 DJ Mike Relm 用 30onMAX 既 video 表演捽碟~
(事後睇返 wikipedia 知道 Mike 係 VJ – video performance artists~ 曾經同 blue man group 合作 LOL)
跟住係 MAX explorer o既一段 animation~
MAX explorer 攀山登上 Adobe AIR blimp~
然後飛越冰海~ 到達沙漠~ 啟動 Adobe 火箭~ 最後… 失敗 XD
感覺好似 Indianna Jones~ 主要係想帶出主題 – Connect, Discover 同 Inspire
有機會希望可以 get 到 source distribute 比大家睇
絕對值得珍藏~~!!
之後係 president Shantanu Narayen o既開埸白~
今次 MAX 主力都係 Adobe Flash Platform~
大家以後要多 d 用呢個 term~
可以唔駛一大堆名同人解釋~
Adobe Flash Platform 包括:
Tools: Flash / Flash Catalyst / Flex
Clients: Flash Player / Adobe AIR
Servers: Flash Media Server / Blaze DS
Shantanu 亦特別提到 Thermo 已經正式命名為 Flash Catalyst
呢個名改得好定唔好真係見仁見智…
本身 Flash 同 Flex 兩個字都已經經常讀錯…
再加埋 Flash Catalyst 真係亂到傻… 成日聽人講錯 Flex Catalyst…
以後都係讀 abbreviation 穩陣 d,,, Fl Fc Fx…
之後提到 (RED)WIRE 利用 Adobe AIR 開發左新o既 application
將 music, subscription 同 charity 帶去另一個 level
http://www.redwire.com/
(已經正式 launched… 大家可以自行 download 體驗下~)
跟住 CTO Kevin Lynch 出場~
佢以 3 個 main title 黎講解 Adobe 黎緊o既方向
- Client + Cloud
- Social Computing
- Devices + Desktop
Client 當然係講 Flash player 同 Adobe AIR 啦
Kevin 簡單示範左 Flash player 10 o既 native 3d performance
然後就宣佈 Adobe AIR 1.5 已經正式 release
(大家有裝 AIR 的話應該已經 auto updated)
為左示範 AIR~ Kevin 請左 New York Times 上台介紹佢地最 latest o既 AIR based news reader
一入 application 睇落其實無乜特別~
但係當佢 resize window o既時候就會發覺 d columns 會自動加或者減黎 fill up spaces
呢個應該係利用到最新o既 Flash player 10 text engine 做的~
感覺非常 smooth 而且 readability 好高~
最得意o既係佢地連一份報紙最重要o既 crossword puzzle 都 implement 左 XDDD
Innovation 同 amazing 有時真係唔一定要 complex~
之後 Kevin 更進一步將同一個 New York Times application 放o係 aigo
(一部裝左 windows o既 mobile internet device)
control 上面雖然無咁方便~ 不過 UI 完全 support 到~
呢個就正正係 Adobe AIR o既優勢~!
(New York Times reader 未正式 release~ 稍後再補上)
跟住開始講 cloud~
cloud 其實即係 services
clients + cloud CM 應該會好有同感
不過 CM 會 focus on 個 cloud 一定要係 XML format~ 哈哈
其實網上面o既 cloud 已經好多~ 多到有 d 散同亂~
於是就帶出左 Adobe 一個新o既 tool~ Tour de Flex~
Tour de Flex 係 AIR application~
佢其實係一個 library~ 裡面有好多常用o既 services
每一個 service 都有相對應o既 sample codes 教你點樣用 Flex 去 connect d services
而且仲有 executable o既 sample application 比你去試~
絕對係 cloud development o既入門 references
Tour de Flex 已經 release~ 可以於 Flex.org download
http://flex.org/tour
進入 Social Computing~
Social Computing 裡面最常出現o既就係 notifications
每一日大家都會收到好多各式各樣o既 notifications… OS… Facebook… Twitter… etc…
問題係當 notifications 愈黎愈多~ 你就會開始亂~
你可能會為左 Twitter 裝 twitterific… 又可能為左 facebook 裝其他 plugin… etc
所以 Adobe 就開發左另一個 Adobe AIR based tool~ Adobe Wave
Adobe Wave 簡單講就係 collection of notifications
你只需要入返每種 service o既 account 就可以 1 stop 收到所有 note
而且仲 support custom applications~
Adobe Wave prerelease program 已經接受 registration~
http://labs.adobe.com/wiki/index.php/Adobe_Wave
(invitation code 稍後於 user group gathering 提供)
最後到 Devices + Desktop
Desktop 已經有 AIR~ Device 亦都有 Flash Lite~
下一步可以點呢…
之前好多人都認為應該係將 AIR 裝入 mobile devices
但 Adobe 似乎有一個更加好o既答案… Adobe Flash Player 10… natively on mobile devices…
Kevin o係一盤 mobile devices 裡面逐步拎出黎做 demo
佢地全部都係行緊 FP10~
(咁樣唔知係唔係意味住 Flash Lite 要講 bye bye…)
包括… Nokia Symbian… Windows Mobile… Google Phone… 最後係… Apple iPhone…
正當大家都起哄o既時候… sorry… 無…
Kevin 聲稱同 Apple 交涉緊~ 咁係唔係者係話其實已經 run 到呢?!?!?
最後 Kevin 為大家示範 Adobe o既一個 future device prototype~
佢拎住一部 Samsung o既 MID~ 然後對住個 stage screen~
等左幾秒就 connect 左~ 然後 Kevin 手指一 fling 就將佢 device o既相 transfer 左去 stage screen~
而且仲要好靚咁 display 出黎~!!!
同樣o既 transfer 仲可以 between MID~
甚至係一部電視機~! (當然要 compatible la)
感覺幾得意~ 不過有幾多人 afford 得起~ 哈哈~
第一個 general session 到此結束~!
完左 session 食 lunch…
Again… 唔會飽…
於是返去食麵~! 哈哈
下晝繼續聽野~
Design XD… 竟然係講 Adobe CS4 product line design concept… 有 d 失望…
之後好多堂都係早走 or skip…
今年大家都 complain d sessions 無 screening… 質素比較差…
多數時間都係o係 community lounge~
見到 Bing~ 估唔到佢同我地一樣咁遠都黎~
之後識左 Singapore UGM Shunjie~!
大家o既話題竟然係研究下點樣用 d Adobe stickers XDDD
似乎我地亞洲人都係鍾意自己部 laptop 多過 d stickers~ 哈哈
夜晚有雞翼食~ 唔錯唔錯~
之後有 Birds of a Feather 同 Meet the Team~
同阿 Way 去左 Meet the FX / FB / FC Team~
不過佢地變左 open chatting… d 人一堆一堆咁~ 好難埋堆…
大覺訓~ 第二日繼續~
