Hong Kong Adobe Flash platform developer (Flex, AIR and Flash)
Posts tagged Flash
Adobe MAX SF day 3
Jan 15th
最後一日 MAX 今年有 d 唔同~ Sneak peak session 同 General session 逼埋o係同一日 第三日變左只係得堂上~
其中一堂講 Flash player 10 最新既 text engine 同 text layout framework Text layout framework 可以話係現有 text controls o既加強版 可以 support 到更加多o既文字效果
- multiple column (重點係 support 自動換 column 仲有 multiple column selection 仲可以 self define irregular shape columns)
- support 打直寫某 d 字~ 例如中文同日文 (大家以後可以唔駛靠 enter 靠行黎打中文喇)
詳細可以參考 Adobe Labs http://labs.adobe.com/technologies/textlayout/
其他時間就同 Way 作最後衝刺 Adobe MAX 有個傳統 就係要行攤位儲印仔換禮物 外國人比較得意… 佢地會直接行去人地個檔度要人印… 然後即走… 我就覺得起碼都要聽下人地個檔講 d 乜會比較有禮貌…
結果終於儲齊~ 換到o既係一副 Adobe MAX 啤牌 A J Q K 係 AIR Flex Photoshop 同 Flash Joker o係 MAX More >
Adobe MAX SF day 2
Jan 7th
(抱歉… 太忙喇… 遲左好多先出 post…)
第二日又黎喇~ 精神都算唔錯~ 今朝o係 marriot 食早餐 原本諗住會同會場的有 difference 但係都係食o個 d 野… 生果… 硬飽… 奶… 茶… 果汁… 比較好o既係果汁係樽裝~ 可以拎走飲~ 仲要係 tropicana~ 正
朝早上 Flex testing o既 session 之前寫 Flex application 都比較少考慮 testing 呢個 session 對我黎講都幾重要~ 不過上完之後就會發覺 testing 唔應該係事後先去做… 而係要由 Day 1 開始每寫一 part 就要寫返相對應o既 testing module… 基本上工作量係 double 或者 triple~ 因為除左 unit test 仲有 function test, etc… 講真… 有幾多 company 會考慮到同埋 afford 得起呢…
下一個 app… 如果我有時間的話我都想認真的做一次…
跟住就係 General Session 2~ 一開始由 Flex Builder product manager Tim Buntel 講解 Flex 講講下突然之間部機好似比人 hack 左咁~ 之後有一個神秘人 The Chief (Kevin Lynch) 話依家 computer field 有好多問題出現~ 要 Tim Buntel 諗辦法去解決~
之後燈光一暗~ 音樂響起~ 開始播片~ 感覺係非常超人特攻隊~ More >
Adobe MAX SF day 1
Dec 9th
MAX 終於開始~ 去到 Moscone 就見到 Kai~ 佢同佢太太一齊去 MAX~ 真係開心
之後即刻上二樓食早餐 同之前一樣… 硬飽… 果汁… 咖啡… 奶… Somehow 我總係覺得唔會夠飽…
食飽見未夠鐘就去左 community lounge 一入到去就見到熟識既面孔~ John, Sumi, Craig 同 JD 都o係到 總係覺得見到佢地就 = 見到 Adobe community~ 哈哈
打完招呼傾左一陣就要趕去聽野 第一場係 Flex testing~ 都 ok~ 之後就係精采o既 general session~!
一如以往~ 未入到門就聽到好激昂o既音樂~! 一入到去真係好震撼~ 3 個 main screen 加兩組 side screen main screen 係山峰藍天白雲~ 一堆 Adobe product logos o係天度飛~ 好型~ 跟住所有 screen 會好似老虎機咁轉 d product logos 然後中間加插 30onMAX o既 video~ 好彩無拍者… 唔係比人 post 出黎好攪笑~
開場~ 有 DJ Mike Relm 用 30onMAX 既 video 表演捽碟~ (事後睇返 wikipedia 知道 Mike 係 VJ More >
Adobe MAX SF pre day 1
Nov 26th
期待已久既 trip 終於都到左 Adobe MAX 2008 San Francisco
2 年之前去 MAX Las Vegas 見識到好多野 特別係學左 Flex… 可以話係完全改變左自己既 programming path 今年都希望可以再進一步深造下~ 當然啦~ 去之前大約都估到今次 MAX focus point 會係 Thermo
一早去到機場~ 同之前一樣搭機鐵~ 其實都諗左好耐搭唔搭巴士~ 但係最後都係機鐵算… 最緊要快 到左機場會合阿 Way 然後去左 2 號大樓食餃子~ $40 有麵有餃 (8隻) 真係好抵~!! 不過成個機場o既冷清程度真係有 d 害怕 d 餐廳阿姐每日都唔知點過日子…
上到飛機見到個全新o既 Cathay Pacific shell seat 的確… 的確有 d 呆… 乜個位咁樣衰o既… 再一次證明相係信唔過架… 不過~ 坐落的確係好舒服~ 唔會好似西北 d 機咁逼到爆 但係好坐唔等如我想坐耐 d… 就o係準備飛走o既一刻 Captain 竟然話架機有 fuel leakage 要折返… Fuel leakage… 聽落都幾恐怖… 係唔係會爆架大佬… 結果攪下又半個鐘攪下又半個鐘… 最後遲左四個鐘先起飛到…
不過我一直好懷疑 captain 有無講大話 1) d engineer 係不停咁 check 隻機翼… 2) 起飛時有個應該係副 captain 的人坐左o係我地側邊望住隻翼… 望左一輪之後用 intercom 同其他人講 “隻翼識郁~ 好正常~”
Anyway… 安全就得…
到左 San More >
Yahoo! 立法會選舉 interactive Flash banner
Nov 24th
幾個月之前透過 blog 識到一位 designer Bryan (哈哈~ blog 的確有佢 networking 既用途~ 就算你幾個月唔 update 都好 =.=||)
Bryan 想我幫佢手為 Yahoo! 香港既立法會選舉網頁寫一個 Flash 既 interactive banner 一聽到 Yahoo! 就二話不說即刻應承~ 相信一定係好好既 experience~ (結果… 唔… 原來係咁… 真係估唔到…)
Anyway… 講返個 banner
Banner 裡面其中一個 function 係要將一 d avatars randomly placed in 一個 specified area 起初我只係用簡單既切餅方法將一個長方形切成等份 然後 randomly place d avatar 入 d 餅入面…
好明顯… 結果好生硬…
之後嘗試唔用餅~ 直接做 random placement 然後每一次 place 既時候都 check hit area~ if hit 就 replace 結果好好多~ 而且速度完全 acceptable
跟住o既問題就係點樣可以只從o係一個 specific area 裡面 random place 呢? 由於要就返立法會大樓o既 shape~ 所以個 specific area 會係 irregular shape 當然啦~ 要準確的話一定係靠計數 但係計數o既問題係唔 flexible 同埋唔容易 maintain 最後我用左好多長方形去 approximate placeable area 然後每次 More >
Google 同 Yahoo! improve Flash indexing
Jul 1st
今日 Google o係 webmaster central blog 公布左佢地已經 improve 左 Flash content 既 indexing power 所有 version 既 Flash content o係唔需要改動既情況底下都可以得到更好既 indexing result
同一時間 Adobe 亦o係 Adobe Developer Center 發表左 SWF searchability FAQ 裡面除左有耳熟能詳既 marketing slogan 之外
The openly published SWF specification describes the file format used to deliver rich applications and interactive content via Adobe Flash Player, which is installed on more than 98 percent of Internet-connected computers
亦有提及到背後既原理 以及 Yahoo! 都會於稍後 update search engine
的確~ 咁多年以黎 Flash 都比人彈 SEO 每一次我幫人做 project analysis 既時候 第一句都係問 “application base” 定 “content base” 今次呢個 news 的確幾吸引~ 但係問題係唔係就咁就解決呢?!?! 我地係唔係唔再需要寫特登寫 XHTML version / XSL / 一大堆 supportive More >
Flex FAQ #3: 點樣用 Flex FileReference 下載檔案
Aug 17th
本來呢個問題應該好簡單~ 基本上一個 ActionScript developer 可以即時答得出
var t_file_ref:FileReference = new FileReference ();
var t_url_request:URLRequest = new URLRequest ("some_path/some_file.type");
t_file_ref.download (t_url_request);
但係原來o係某 d 情況佢係會 malfunction 既… 而且係你估都估唔到~ 加上玩足你幾個鐘…
為免大家中招所以寫左呢個 example
Please enable Javascript and Flash to view this Flash video.睇落好似無分別~就算 click “這個不能下載” 都出現左下載畫面但係當你以為 download 左既時候… 你會發覺乜都見唔到…其實問題係在於 FileReference o既 instance declaration method如果o係 function 裡面 declare 既 temporary variable當 function 完成之後 FileReference instance 就會o係 select event 之前消失結果… download 左個桔… 解決方法係將 FileReference instance 放o係 class member variable
public class some_class
{
private var _file_ref:FileReference;
function some_function ()
More > Essential ActionScript 3.0 and ActionScript 3.0 Design Patterns
Aug 7th
今日黎左兩本書… 唔知點解用 Amazon 訂書寫 CityU 地址特別快收到書… 比起 Amazon 既 estimate date 早左 17 日…
兩本新書係 Essential ActionScript 3.0 同 ActionScript 3.0 Design Patterns 唔知道由幾時開始鍾意左 design patterns~ 以前明明最憎 OO… (唔… 心照… 唔夾就係唔夾…)
Essential ActionScript 3.0 真係好有貨~ 成千頁… 又有排睇 比起上一集厚左好多~ 好快咁掃左 TOC 好詳細~ 似係由淺入深~ 比較起 ActionScript 3.0 Design Patterns 就好似深好多~ 有好多少聽既 patterns
Flash, ActionScript 同 Flash d 書愈黎愈多~ 唔知幾時先睇得完… (Chocobo 你幫我睇埋佢啦~ 哈哈)
時光倒流第二集 – Thanks FLABER
Jan 24th
“點解會寫 FLABER 呢?” 呢個係每次比人訪問既必答題~
4 年 CS 既生活~ 有一樣野我自己唔係咁開心既~ 就係唔可以寫自己鍾意寫既 language
C++, 68000, JSP, Servlet, etc… 就係無 Flash… 當然啦~ 我完全明白 CS 教 Flash 係無可能既事 所以呢 4 年我都不停咁自己爭取o係唔同地方用 Flash
Year 1 o個陣 take 既 Internet Communication 我寫左一個 pure Flash 既 web Year 2 CCIV 我用 Flash 整 navigation menu Year 2 SEP 我用 Flash 整左 testing progress bars Year 3 Placement… 哈~ 每日都o係 Expert Exchange 流連~ Year 4 FYP…
FYP 絕對係我盡情發揮既地方~ 但先決條件係要有 professor buy 我 idea 做我 supervisor 試問 Flash 做 project… 有幾多 professor 能夠接受呀~ Thanks Andy! 我諗你開頭信心都唔係咁大~
決定做 Flash 之後~ 真係花左好多工夫留意市場上無 d 乜~ 要 d 乜~ 最後就做左 More >
